Jæja prófin búin sem er alveg yndisslegt miðað við að það er bara 16. apríl. Lífið hefur nú lítið snúist um annað en prófalestur og tilheyrandi nanmmiáti og nú veit ég ekkert hvað ég á að gera af mér, það er nú víst svo sem alveg nóg að gera þarf bara að byrja á einhverju.

Við skelltum okkur til Hólmavíkur um páskana sem bauð upp á skírn, ball og lestur....það er alltaf svo gott að komast aðeins heim þó það hafi nú ekki verið nema bara í tvo daga, og að fara út og anda djúpt inn án þess að verða svartur í nefinu af helv. svifrykinu, elska það já og líka að fara upp í sjoppu eða í búðina og þekkja fólkið sem er þar, finst alveg drepleiðinlegt að fara í Bónus og ég þekki bara engan!

En næstu 3-4 vikur bjóða upp á verkefna vinnu og stofnun fyrirtækis.....mjög spennandi að sjá hvað kemur út úr því!

Svo er sumarið alveg að koma og ég bíð spennt !!

Kv. Sara

.....23 búnir að kíkja inn í dag og enginn kvittar, kanski er teljarinn bara bilaður.

....En endilega kvitta.

Kv. Sara

Þessa dagana er maður víst alveg á milljón í öllu....skólanum, ræktinni, tölvunni, sjónvarpinu, og já bara lífinu! Allavengana nóg að gera framundan, næsta vika fær nafnið crazy vika í skólanum þrjú próf og tvö skilaverkefni takk fyrir!! Svo styttist skuggalega mikið í lokaprófin aðeins tvær vikur ef ég kanna að telja rétt!

Fór til spámanns í síðustu viku, þurfti að drekka kaffi...fyrir þá sem ekki vita þá er ég ekki orðin svo fullorðin að ég drekki kaffi  svo spáði hann í uppstreymið úr bollanum mínu...svaka spennandi sagði margt og mikið. Svo þegar ég kom heim var ég alveg hyper eftir þessa tvo bolla af kaffi og ætlaði aldrei að geta sofnað, svo fékk ég skyndilega illt í magann sem ég auðvitað kenndi kaffinu um og ákvað því að það væri örugglega sniðugt að drekka mikð vatn til að jafna út kaffið...þannig að ég drakk vatn eins og mér væri borgað fyrir það, sem endaði með tíðum klósettferðum alla nóttina...sniðugt ha!

Á föstudaginn skellti ég mér á Árshátíð viðskiptaráðs, sem var bara snilld, fór í mesta partý leigubíl sem ég hef farið í, bílstjórinn var eldhress og búinn að græja playlista og allt...bara flottur á því. En besta atriðið var þegar við vorum að fara inn á árshátíðina, þá sáum við að það var verið að taka vínið af einhverjum og stelpurnar fengu þá snilldarhugmynd að fela vínið í runna fyrir utan og skreppa svo bara út til að fá sér snafs, ég held samt að það hafi ekki verið gert og vínið er örugglega enn á sínum stað.

Ferðir mínar í ræktina hafa aukist enda er heilsan miklu betri eftir að vera eins og hálviti í salsatímum og body shape-i en það er bara yndissslegt...ég ímynda mér alltaf í salsanu að ég sé svona eins og Joey þegar hann fór í eina leikprufuna og þurfti að dansa muniði!

Já og svo eignuðust Aðalheiður og Elli einn lítinn lilla nabba í gær loksins kom hann...hann var nú reyndar ekkert lítill 19 merkur og 56 cm, ég hlakka alveg rosalega mikið til að sjá hann.

En já ég held að þetta sé komið gott í bili.... Njótið lífsins!!

Kv. Sara

Jæja það er víst komin tími til að Jude Law færist niður um eitt blogg!

Annars er bara allt gott að frétt hjá mér, skólinn er að verða alveg crazy en ég ákvað bara að njóta þess í staðin fyrir að kvarta yfir því þegar ég las eitt blogg áðan...

Helgin var bara góð, djamm með stelpunum í AO á föstudagskvöldinu, rosa gaman, skemmt mér mjög vel, ég var nú kanski orðin heldur æst í Pictionaryinu ég á það stundum til. Sem dæmi um að missa sig í gleðinni vaknaði ég líka á laugardagsmorguninn með dágóðar harðsperrur í maganum eftir allan hláturinn og vitleysisganginn.

Svo keypti ég svona líka rosalega mikið bland í poka á laugardaginn (það er búið núna) og hélt svo smá teiti í góðra vina hópi.

Gærdagurinn fór svo í lestur og verkefnavinnu og ætli það verði ekki bara eins það sem eftir er af deginum í dag.

Næsta helgi býður svo upp á afmæli, árshátíð og góugleði og ég hef ekki hugmynd hvert stefnan verður tekin...einhverjar tillögur??

En það er víst best að halda áfram með lesturinn.....

Kv. Sara 

Fór á dajmmið á föstudaginn.....

....Fékk faðmlag og koss á kinnina frá Jude Law....

....Geri aðrir betur....!

Já síðustu dagar hjá mér hafa einkennst (segir maður bara það?) af prófum og verkefnum, ég er orðin svo þreytt á prófum...ég hef ekki einbeitingu í allt þetta...!

Fór í afmæli til Guðnýjar á föstudagskveldinu, gat samt ekki verið lengi því jú, maður þurfti nú að vera hress til að geta lært á laugardeginum.

Svo var þetta snilldar djamm á laugardagskvöldið heima hjá Möggu, matur og spjall með öllu tilheyrandi hjá okkur vinkonunum úr Verzló, aldeilis gaman, elduðum kjúklingabringur a la Harpa og páskaegg og slúður í eftirrétt. Ég fékk málsháttinn ekkert kemur af engu, held að þetta hafi verið einhver ábending um próf...hvað haldið þið?? En allavegana það var rosa gaman og við misstum okkur alveg soldið í gleðinni.  Svo kíktum við Magga, Salvör og Harpa aðeins niðrí bæ en Aldís og Tóta fóru heim. Ég var að fatta það núna að ég gleymdi að smakka bolluna. 

Sunnudagurinn átti svo að fara í það að læra en fór í það að sitja upp á slysó í nokkra klukkutíma þar sem Gunnar fékk járnflís í augað. Afhverju er fólk látið bíða svona lengi, ég sver það, það fór svona einn inn á hverjum 40 mín. Þetta er ekki hægt !! En flísin er farin og allt gott og blessað með það.

Ég er alltaf að fá fjörfisk í lærið...afhverju fær maður fjörfisk, veit það einhver??

Jæja lesturinn bíður....

Kv. Sara

Ég er ein heima, og ég þori ekki að horfa á leikinn því ég verð alltaf svo spennt að það gæti liðið yfir mig, þá er verra að vera einn heima.

Það er verið að bora rosalega mikið í vegginn hjá mér og það er ekki ég og ég er að verða alveg crazy...

Ég þoli ekki kennara sem eru með próf og það fá ekki allir sama prófið og skýringin er sú að maður gæti kíkt hjá næsta manni, ég meina common það er hægt að rugla spurningunum, svarmöguleikunum og hafa spurningarnar á mismunadi blaðsíðum og það væri ekki fræðilegur möguleiki að maður gæti séð hvað hinn krossaði við án þess að kennarinn væri búin að spotta það að maður væri að kíkja. Það á eitt að ganga yfir alla.

Mér finst Kompás stundum gera góða hluti.

Ég fór í vísindaferð og komst að því að Elísabet er í sömu sæng og TM !

Ég er að fara í frekar stórt námskeið í skólanum sem heitir nýsköpun og stofnun fyrirtækja og er alveg rosalega spennandi.

Jæja best athuga stöðuna....

Kv. Sara

Þessi vika hefur nú liðið aldeilis hratt. Við stelpurnar fórum á kaffihús slash út að borða á Caruso á mánudaginn í tilefni þess að Árný átti afmæli...ég held að það sé búið að halda þrisvar sinnum upp á það! Það er alveg nóg að gera í skólanum eins og vanalega, ég á örugglega eftir að fá magasár.

Viðskiptadeild HÍ kom í vísindaferð í Atlantsolíu á föstudaginn sem var mjög gaman svo þegar allir voru farnir þá vorum við með kveðjupartý fyrir einn sem var að hætta hjá okkur en bæði vísindaferðin og partýið heppnaðist bara vel....mikið grín og mikið gaman.

Gærdagurinn átti svo að fara í það að læra...en eins og oft áður þá opnaði ég ekki bók. Við Gunnar fórum bara og kíktum í nokkrar búðir og vorum svo bara í rólegheitunum. Ætli dagurinn í dag fari þá ekki bara í það að læra, kanski maður skreppi í bíó í kvöld eða eitthvað.

Byrgið....ég gæti örugglega skrifað heila bók um það hvað mér finst um þetta mál, en þetta er bara....einn STÓR skandall....!!!

Og hvað er þetta með Undankeppnina fyrir Evróvision....er fólk að missa sig....?

Ég veit ekki lengur um hvað lífið snýst !!

Kv. Sara

Skrítið hvað maður fær stundum lögnun til þess að blogga þegar maður er að læra! En það er nú bara svona, er að glugga aðeins í fjármálin svona til að geta verið aðeins með á nótunum í tímanum á morgun....

Nóg að gera síðustu daga, hittingur í öllum hópum og ég veit ekki hvað og hvað....hitti Þurý, Önnu og Sillu á fimtudagskvöldið, svo fór ég í vísindaferð með Birnu í Landsbannkann á föstudagskvöldið ég entist nú ekki lengur en það að ég var komin heim um kl hálf eitt (n.b. ferðin byrjaði kl fimm) og við skulum bara segja að ég hafi verið fljót að sofan. 

Laugardagurinn fór bara í það að borða hjá mér.....já ég get svarið það að ég gerði ekkert annað. Fór í brunch upp úr hádegi með Atlantsolíu stelpunum, skellti mér svo beint á eftir í afmæliskaffi til Árnýjar, fór svo heim og stoppaði þar í klukkutíma og svo var farið á Lækjarbrekku þar sem að ástmaðurinn var svo indæll að bjóða mér út að borða. Enda þegar ég mætti svo í afmælisparýið hjá Árnýju um kvöldið að þá hafði ég ekki nokkra list á að fá mér eitt né neitt. Ég borðaði örugglega fyrir alla vikunua á laugardaginn.....

Svo vaknaði ég bara á skikkanlegum tíma í morgun og tók til, ryksugaði og skúraði og þurkaði af og allt, allur pakkinn bara og ég var rétt búin að henda ryksugunni aftur inn í skáp þegar Tóta, Aldís, Magga og Salvör komu til mín. En það var nú alveg komin tími á alla þessa hittinga og gaman að hitta ykkur allar skvísur!

.....En æj er hætt þessu rugli.....

Kv. Sara

Já þið eruð að lesa eitthvað annað en komin til lúx....komið nýtt ár og skemmtilegir tímar framundan og því datt mér í hug að deila þeim með ykkur og fara að blogga!

.....En samt þegar ég fer að hugsa þetta aðeins betur þá var ég eiginlega bara að reyna að finna mér eitthvað annað að gera en að lesa hagfræði. Ég ætla nú samt ekkert að lofa því að ég eigi eftir að halda áfram að blogga en við skulum bara sjá til.

...Sem sagt þá er ég í viðskiptafræði í Háskólanum í Reykjavík, bara fyrir þá sem höfðu ekki hugmynd um það og er að vinna hjá Atlantsolíu svona smá með.

Nóg að gera eins og alltaf og það er lærdómurinn sem á allan minn huga og lítill tími fyrir annað. Ætla nú samt að gefa mér tíma til að fara í vísindaferð í Landsbankann á föstudaginn bara svona til að sýna lit þar sem að ég fór bara í eina á síðustu önn.

En já ég hef öruggleg eitthvað meira og merkilegra að segja frá næst þegar mér dettur í hug að blogga, kanski verður það árið 2010 og þá verður sjálfsagt komið eitthvað allt annað en blogg.

Kv. Sara sem er vonandi loksins skirðin úr dvalanum!!!

Jaeja thá er ég hér í Lúx....búid ad vera ótrúlega gaman, flugid var alveg on time upp á mínútu og Bjossi nádi í okkur til Frankfurt Han keyrdum til Lúx og fórum beint í íbúdina hans Hjalla thar sem vid verdum, og audvitad voru til nokkrir kaldir í ísskápnum, thannig ad vid spiludum og hofdum gaman.

Í gaer byrjudum vid svo daginn á thví ad fá okkur lunch hjá Bob og fórum svo í supermarkadinn og keyptum eitthvad til ad eiga í ísskápnum var samt alveg ad deyja úr threytu thví ég var alveg heillengi vakandi thví thad var svo heitt og ég gat ekki sofid. Fórum svo aftur og bordudum hjá Bob og tókum svo bara kana med Hjalla, ekkert djamm thví their thurftu bádir ad vakna og maeta í vinnu....en thad verdur allt baett upp í kvold, thad er djasshátíd og mikid fjor í baenum í kvold.

En vid vorum ad koma heim úr baenum, aetludum ad versla eitthvad en thad eina sem eg keypti var vatn og namm, trúidi thvi ég trúi thví eiginlega ekki sjálf.... En planid í kvold er ad fara út ad borda og svo nidrí bae...

En ég aetla ad drífa mig í sturtu....og já thad er HEITT!!!!

Kv. Sara

Já það má sko með sanni segja að hamingjudagarnir hafi verið snillld, ég skemmti mér alveg ótrúlega vel, kanski stundum of vel.... Hætti í vinnunni um hádegi og fór norður með Karen og Ívari sem bölvuðu mér í sand og ösku fyrir að haf viljað fara Tunguheiðina....mér fanst það fínt. Fór beint heim til Ragnheiðar og Dóra þegar ég kom,  kíktum svo á myndlistarsýninguna í skólanum og svo endaði ég á Ínutónleikum sem voru bara ágætir. Tók snilldar rúnt með Valdísi um kvöldið, og skemmti mér alveg konunglega, kíktum aðeins á Riis og hittum hitt fólkið, og tókum svo nokkra dansa á ballinu áður en við fórum heim.

Vaknaði eiturhress á laugardaginn, fórum og kíktum á skemmtiatriðin niðri í kirkjuhvammi sem voru bara fín, rigningin var samt ekki alveg að gera sig, en það var fínt þegar hætti að rigna. Fórum svo heim og elduðum, svo var brekkusöngu en engin brenna en stúlknakórinn var mættur á svæðið. Ragnheiður búin að bjóða í pallapartý þannig að það kom fullt af fólki og Smári og Andri spiluðu á gítar ótrúlega gaman, já og hundurinn kveikti aðeins í sér, hann settist á kertið og það kom vond lykt.... Fórum svo á ball og Kokkteill er bara góð hljómsveit á balli....þetta var æðislegt stóðst alveg 100% allar væntingar. Hafði ekki orku í eftirparý og hafði vit á því að snáfa mér heim.

Sunnudagurinn var fyndin....sérstaklega þegar ég skoðaði myndavélina sem ég hafði greinilega ekki verið með á ballinu heldur einhver annar.....og ég á bestu ljótu bestu mynd í heimi!

Jæja er á leiðinni í afmæliskaffi til Rögnu...

See'ya

Það er allavegana stefnan um helgina því það styttist óðum í hamingjudaga, díses ég hlakka svo mikið til.

Var að koma úr Smáralindinni, við Karen vorum að litast um eftir einhverju til að kaupa er það ekki alltaf svoleiðis, manni vantar ekki neitt en samt vantar manni allt.  Keypti mér sjónvarpsskáp í gær n.b. það var eitthvað sem mig vantaði. Það tók allt gærkvöldið að setja hann saman, Gunnar hélt nú að ég gæti ekki haldið á þessu með honum inn og ætlaði að kalla á liðsauka...ég hélt nú ekki, eins og ég gæti ekki dröslar einhverjum pakkningum inn úr bílnum. En þetta gekk allt vel og skápurinn er kominn upp og tekur sig bara nokkuð vel út.

Ég þarf að gera svo mikið að ég veit ekki hvar ég á að byrja......

Held ég byrji á því að borða....!

Var að enda við að borða ótrúlega góðan grillmat hjá pabba, ég gæti ekki sett einn bita í viðbót upp í mig, alltaf svo gott að borða hjá pabba....

Annars er helgin nú bara búin að vera frekar róleg hjá mér, var mætt í ræktina fyrir hádegi í gær, kíkti svo aðeins til ömmu og afa og fór svo heim og var rétt byrjuð að taka til, og þá til allrar hamingju kom Árný til mín og bjargaði mér frá því. Við kíktum aðeins í Smáralindina og hittum Tótu og fórum svo heim með henni að skoða nýju íbúðina í Hjarðarhaganum sem var bara mjög flott ég væri alveg til í að eiga hana. Svo fór ég bara heim og Árný fór norður, þannig að það varð ekkert úr laugardagstjúttinu en það verður bara bætt upp á næstu helgi. Í dag var bara líka rólegheit kíkti aðeins á mömmu og tók einn hring í Kirnglunni, það var nú allt og sumt.

Mig langar svo að breyta heima hjá mér, bara einhverju, það er samt svo takmarkað hægt að breyta. En þið vitið hvernig þetta er ef maður getur breytt einhverju þá er oft eins og maður sé komin í eitthvað nýtt, eða er ég bara klikkuð....!

Jæja ætla að bragða á eftirréttinum, maður hefur nú allaf pláss fyrir hann, er það ekki??

....Og þá jafnvel tími til komin að fara að snáfast til að skrifa eitthvað hér...

Allt gott að frétta hjá mér er bara á fullu í vinnunni, lífið snýst um það þessa dagana og fara í ræktina. Planið er svo að skella sér á Hamingjudaga á Hólmavík á næstu helgi og ég er farin að hlakka svo mikið til, það er að segja ef einhver vill taka að sér tvo heimilislausa sem eru brottfluttir.

Fór í AO-útilegu á síðustu helgi í Reykholt...já ég í útilegu...ég veit en tæknilega séð var ég ekki í svo mikilli útilegu, ég var í fellihýsi og það á bílastæðinu. Við máttum ekki tjalda á tjaldstæðinu því það var búið að rigna svo mikið og því varð bílastæðið fyrir valinu,  vorum svo meirasegja rukkuð fyrir að vera þar, 400 kr á mann en fengum samt heilar 100 kr í afslátt. En þetta var algjör snilld, hefðum ekki getað fengið betra veður á laugardeginum og um kvöldið, við áttum það nú líka skilið eftir alla rigninguna. Það hætti að rigna eftir hádegi á laugardeginum og við hentum upp nokkrum tveimur tjöldum og fórum svo í sund, ég ætla aldrei aftur að reyna að tjalda partýtjaldi. Svo kom allt hitt fólkið og þá var grillað og eftir matinn tóku gítarsnillingarnir okkar nokkur vel valin lög og svo var djammað fram eftir allri nóttu. Frábær  útilega með æðislegu fólki.

Ég er alveg out núna ætla að fara að gera eitthvað.... 

Hafiði samt tekið eftir því að ég er alltaf að fara að gera eitthvað.....

Kv. Sara